從前博文街只有一, 兩間小店, 其餘大多都是車房, 到現在附近有新樓盤落成後, 差不多整條街也變成食店。
其中一間專食burger的"Take Five", 是由兩位八十後的年輕老闆所創, 店面以灰色水泥牆身加鮮紅色門框窗框, 於這條舊街上甚為突出。
食店佔地不多, 只有二十個位, 一目了然, 店內貫切門面的灰紅色調, 紅黑檯椅, 隨意的型格。下午三點多的尷尬時間, 未至於要排隊, 但也幾乎滿座。
款式選項雖不算太多, 不過除了主打的漢堡外, 還有沙律, 小食和risotto等, order漢堡可以加錢升級為combo, 有飲品有薯條。
要了兩個burger combos:
這個是招牌之一的漢堡, 即叫即做, 厚厚的漢堡, 半溶的芝士已從四方八面的湧了出來, 已經好吸引。
漢堡包略略烘過, 外表香脆而內裡鬆軟, 餡料有煎香而不油膩的煙肉, 新鮮多汁的蕃茄和生菜, 加上香濃的芝士, 好juicy。因為多汁, 徒手食會較狠狽, 最後要出動刀叉。
非常大堆頭的一個漢堡, 有點兒無從入手的感覺。漢堡包同樣烘過, 外脆內軟, 幸好中間切開後仍保持美觀。
中層夾著大大隻軟殼蟹和幾隻鮮蝦, 原隻軟殼蟹炸得酥香可口脆卜卜, 沒有太重油膩感, 而鮮蝦彈牙爽口, 還有生菜和蕃茄, 加上明太子沙律醬, 帶微辣的更加惹味。份量之多, 單食這個漢堡其實都夠飽。
洋蔥圈 +$16 (combo)
combo除了可以跟薯條外, 還可選擇洋蔥圈。跟餐的份量不算太多, 洋蔥圈炸得金黃香口, 每個都是大大的, 炸漿厚度中規中矩, 洋蔥圈入口鮮甜。
芝士條 +$16 (combo)
跟餐只有兩條, 與朋友share食, 不太夠滿足。芝士較為結實, 未能做到拉絲效果, 來得一般。
Mango Shake +$20 (combo)
"小朋友"食漢堡包一定會配milk shake! 香甜芒果味, 質感幼滑, 甜度又不會過高, 冰凍creamy, 清新醒胃。
Banana chocolate Shake +$20 (combo)
友人叫的一杯, 很澎湃的朱古力醬啊! 雖然自己很喜歡食朱古力, 但當朱古力以雪糕或飲品狀態出現時, 我就莫名的抗拒了, 很奇怪呢! 友人說這杯口感很實在, 蕉味濃郁, 反而份量多的朱古力, 味道不突出。
Brooklyn lager $68
同行另一友人所叫的啤酒, 食漢堡包要飲啤酒, 當然這是酒鬼的藉口。
肉質有點兒過腍, 腍到好像媽媽老火湯內煲了幾個鐘的豬肉, 只用叉就輕易切開, 不過完全入味, BBQ醬味道濃郁, 配襯剛炸起的薯條, 還不錯。
總結: 漢堡包比小食出色, 食材令人滿意. 單點價位還可以, 但改成combo就略高了。
"Take Five"這名字也令我想起台北的戶外悠閒輕食店, 相同的名字, 雖處於不同地域, 但有著同一理念。趁沒有家庭負擔的時候, 為尋找理想夢想而努力, 這才是人生啊!
Take Five
店址: 大角咀博文街4號地舖
沒有留言:
張貼留言