2015/08/31

birthday lunch buffet@the market, 邪惡的一餐!

今年生日,老公訂了位同我食'the market' 的lunch buffet.

Lunch Buffet時間由12時到2時半,我們12點15分到達,一踏進門口,OMG!!濃郁的榴槤飄香從近門口的甜品區撲鼻而來,我同老公都受不了榴槤味道,要極速跑過!

但無損我們大拆一餐的興致!因為見到好多豐富的食物正等著我們!食物擺位presentation跟green一樣做得很好,只看已令人心花怒放,急不及待要開動了!
食物選擇很多而分了不同區別:

前菜及沙律區
煙鴨胸,多款cold cut,鮮果沙律,沙樂美腸,還有有我們的最愛parma ham,自行配上夏天當造的哈蜜瓜,又甜又juicy的哈密瓜加上parma ham, 簡直無與倫比!肥美的的煙三文魚亦都好吃,每碟切出來的份量都很多,件件都是厚切,出手真闊綽!

2015/08/26

元朗沾麵小店 - 彩

元朗雖然有好多食店,不是間間都好食。所以平時落街食飯都有點選擇困難,不知會否中雷品!

屋企附近建德街新開了一間食沾麵的小店,好想去試一下。第一次平日放工去,七點到達,人龍已經排得很長!第二次再排,提早一些六點半到達,人龍依然很長!大熱天時於戶外排隊,雖然太陽已下沉,但高溫依舊,光是站著都已大汗淋漓,我倆自問是沒耐性又怕熱的人,所以兩次都放棄!

星期日決定再戰長龍!六點去排隊!到達時已經有人等候中,幸好我們排第十,應該第二輪會到我們吧!更慶幸我們早排,因為十分鐘後,後面的人龍已經不斷有人加入而很長了!為節省等候時間,店員會為排前面的食客先行落單,好讓食客一坐下就可以用餐!

原來此店只有三款沾麵提供:原味沾麵,蝦沾麵及黑油沾麵,麵方面有兩種,麥麵同辛麥麵,而我們選了原味及黑油配麥麵。


等了20分鐘終於到我們了!門口掛着一幅鮮藍色掛布,上面寫著白色的店名:彩,簡單易認又具日本色彩!推開木框玻璃趟門進入店內,兩位師傅即以日文歡迎我們!店鋪面積不大,只有十個位,以L型bar台圍著開放式廚房,裝潢非常簡單,好日本家庭式經營的小店。只有兩位師傅和一位店員,但無損上菜速度,很快麵食已送到面前!

原味沾麵,先喝下一口湯,味道不是太濃但頗為杰身,細味下還有柚子的味道!

東海堂 - 蜜瓜蛋糕甜品系列 Melon Shower!

女孩子喜歡食甜品蛋糕,我也不例外!
東海堂最近推出蜜瓜蛋糕甜品系列,全部都用上蜜瓜獨有的綠色,賣相好精緻吸引,夏天是吃蜜瓜的好時候!melon shower! 


蜜瓜之思慕$19
最頂層為粒粒寒天配蜜瓜果肉,中間為蜜瓜白朱古力mousse,底層為蜜瓜海綿蛋糕,甜度可以加強多一點就更好味!

蜜瓜之協奏$18
即是蜜瓜撻,平時的芒果撻已經有一定的水準,今次換上啖啖蜜瓜果肉配上鬆脆的撻皮,好味!

蜜瓜之漩渦 $18
即是蜜瓜卷蛋,外層鬆軟海綿蛋糕,夾著中間的忌廉帶有果肉,反而這卷蛋是普通之作

一次過買3個仲有85折!作為飯後甜品,兩口子,份量剛好!

2015/08/25

Lucky sunday buffet brunch@Green

Hotel Icon 既buffet, 不論'The market'定係'Green' 都出晒名難book位,就算book到都要等個幾月先有得食!女朋友們聚會,大家都想試下'Green'既semi buffet brunch,即管打去book試下,又會咁岩可以book到一星期後既weekend有位比我地,lucky!
Green位於酒店既G/F,穿過reception就到達。門口用左黑色通花鐵閘做裝飾,別具特色。而地板用左深淺色複合木地板,形成對比。

一踏進餐廳,超高的樓底空間頓時令視覺廣闊開揚,而一幅大型掛牆vertical green 牆身裝飾做點綴非常搶眼(綠色可以令視覺上放鬆,而且易打理,所以當時盛行好多商店,餐廳以至家居既design都用vertical green做decoration),加上落地玻璃窗令整個空間光線非常充足,自然光非常悠閒舒服,又可以有節能效果,weekend係呢個柔和舒適既環境進餐,胃口都大開!


蝕花玻璃牆身隔離係bar枱,bar枱前有張長長的bench,而bench上排滿晒任食既前菜同甜品!

不得不讚賞一下佢地既食物presentation,擺放得非常靚,高高低低的,精緻既器皿加上食物色彩斑斕,未食已經令眼球大飽眼福,令人垂涎欲滴,心花怒放!雖然semi buffet種類選擇唔及buffet多,不過沙律,前菜同甜品一d都唔遜色!任食前菜有我鐘意食既parma ham ,煙三文魚,菠菜芝士tart!

2015/08/23

2015 大阪+京都+白濱 - Day 6

訓完一晚靚覺,叉足電,又繼續行程!因為今日係last 一日要去血拼,聽朝早機返屋企了!

溫泉酒店個package係一泊二食,訓醒食個豐富早餐先。早餐有和食同洋食兩款㨂,上次係箱根酒店食過和食好好味,所以我地都㨂和食!內容非常豐富,有好多碟漬物,有卷蛋,有味噌湯同白飯,仲可以燒魚!

2015/08/13

2015 大阪+京都+白濱 - Day 5 (part 2)

浸完見仲有個幾鐘先食晚餐,一於去白濱名勝円月島睇日落!因為長年海水沖刷侵蝕,島中間形成一個圓洞,形狀似100円,所以叫円月島!
揸車去5分鐘就到,去到時已經人頭湧湧,個個企係有利位置睇,因為日落既時候,夕陽會穿過円月島中間圓洞口而落,非常浪漫的景點。但因為夕陽會移動,遊客都不斷移動去欣賞同拍照,場面很搞笑!

幸好有揸車,可以趁夕陽未完全沈落大海前,趕到另一白濱觀光景點-千疊敷! 又係海浪長年累月侵蝕而形成的獨特一級級岩石自然景象。

270度壯闊無邊的太平洋海景,太陽徐徐由水平線而下,餘霞還映照天邊一片粉紅色,非常壯觀美麗,跟老公靜靜坐下欣賞非常浪漫呢!

2015 大阪+京都+白濱 - Day 5 (part 1)

行左咁多日,濕平左咁多日,旅行去到近尾聲當然要去relax 下, 今日出發去白濱-浸溫泉!
南紀白濱位於和歌山既南面,係日本3大古溫泉之一! 之前提過日本司機有2種,一係踩住去,一係龜速,去白濱路程中有好多路都係得單線行車,遇上後者的話,車程就要耐d了!開車由大阪市去,沿途唔係遇到太多後者,差不多2小時就到。



穿過好多隧道, 跨過好多山谷,沿途風景很美,加上天朗氣清,更加有郊遊feel!.



因為溫泉酒店未有咁早可以擰到房,所以先去tore tore 市場食下野先

停車場非常大!而且無料的,泊幾耐都得!


tore tore市場有游水海鮮,又有冰凍海產,又有乾貨手信同生果,室內有個美食廣場,室外仲有個BBQ場,可以擰岩岩買左既海鮮出去即燒即食,只要買個時同店員講聲for BBQ,佢地就會免費幫忙處理。


因為店員整理海產需時,而且頗多本地人同旅行團黎呢度,建議先㨂好海鮮,等擰既時候就可以去買下生果同手信。雖然市場面積不是太大,但都足以行個多兩個小時。

2015/08/06

2015 大阪+京都+白濱 - Day 4 (part 2)

二條城。另一世界文化遺產,由江戶時代德川家康將軍所建。 老公好鐘意日本既武士,將軍, 這個幕府最高權力的將軍寓所,又豈能錯過!


  


正門已經氣派堂煌,精雕玉琢!(不禁:德川家康真係有錢!)