出發前，先係'tocoo'租左車(www2.tocoo.jp/cn) . 先㨂取車還車日期同時間，由00:00到23:30既時間都有得㨂，不過要睇下取車分店既opening hour ，一般最早7am有得擰，最遲9pm 還車。 之後就㨂取車地點。全國有好多取車地點，包括係機場，有人一落機就即刻取車出發！而我地就㨂左係肥後橋酒店附近間分店取車。而還車可以㨂唔同地點，不過要加錢。
去到重要既一環：㨂車！車款都頗多，由細cc車到跑車，7人車，貨van,電動車都有。原先我地諗住租1500cc Mazda3,因為揸開歐洲車，而新款既Mazda 又幾靚仔，所以想試揸下(不過租車個度係冇提供最新款既車款)話就話係可以㨂定車款，但到時取車未必會比㨂左個架你，有可能會係比同grade 車但唔同brand，要視乎當日既情況，而我地好好彩取車時，無料upgrade左做1800cc hybrid prius 比我地！
大多數車都有GPS,不過記住request 要日文既GPS, 因為日文GPS地方名會出漢字，at least睇得明同輸入地點時知道有冇去錯地方，英文版的除非好熟d地方英文名， 否則check 得黎都miss 左個路口！不過GPS 係市區都有個通病，就係有時收唔到或者收唔清而搞到行錯路口,兜黎兜去!呢樣野係搞到個人好忟下！
Prius 個籠都算大， 前座都算舒服同夠靜！
另外仲要租埋'etc'card for過橋過隧道，好似我地既auto toll 咁。 係日本行highway 多數要比過橋錢， 有張'etc' card唔駛左揾右揾錢，方便好多，而且日本過橋過隧道係唔平的。只要租咭既時候入埋自己既credit card info, 到用完還咭， 就會係credit card 過數，好方便。而張etc card可以選擇寄去你book左間酒店check in時擰。還咭就麻煩小小，佢有個回郵信封比埋你，用完擰去寄番比佢，而酒店係唔會幫你寄的，所以要預番時間搞。
日本highway一般限速70,80.有d路會去到110,120.而日本司機駕駛態度得2種。一係好守法(龜速)，一係就揸得好鬼快(over130,140).但又唔多覺有快相影， 又冇乜set road board 捉超速！
租車價錢方面，我地total 租左3日共23000yen, 平均hk$500一日，都唔算太貴！'etc' 咭, 因為我地去左京都同和歌山，過左好多highway 同隧道，最後埋單11430yen,真係貴嘔！至於油費，擰車時係入滿比我地的，到還車前先入番滿油比佢，因為轉左架勁慳油既hybrid prius, 雖然 total行左500km,但打爆佢真係平到你唔信只需hkd$180!!日本既油費比香港真係平好多！真幸福!
至於泊車方面，揾位泊車同香港一樣咁難揾！而且都幾貴，係京都泊露天駐車場100yen10分鐘，即係泊一個鐘要hk$40！京都天龍寺駐車場要1000yen全日，二条城駐車場600yen頭2個鐘，之後200yen1個鐘。因為我地連續租3日，夜晚泊番肥後橋酒店， over night 要1500yen. 相反係白濱，好多駐車場都唔駛比錢，溫泉酒店又唔駛， tore tore 市場又唔駛。
到朝早去擰車，職員講解完條款後就同我地驗車。佢地會講明比我地知架車邊一個位花左，凹左，仲會係文件上mark低埋，所以絕對放心！出發!
沒有留言:
張貼留言