所有拉麵均一價800yen一碗，先買張食卷，然後看圖㨂自己鐘意既拉麵款式，再到該攤檔排隊比飛擰麵，亦可多付100yen追加配料，如紫菜，筍，去到日本當然要追加佢地既流心'他媽哥'啦！(比香港追加一隻蛋十幾蚊還要平呢！) 開頭我地都十五十六，唔知食邊間好，見有2,3間特別多人排，咁實冇得輸啦，一於跟隊！(雖然全日文，冇英文，大多數都聽唔明佢地講乜， 好在body language係世界語言，加上熱情的關西人，唔明講到你明為止)
其中食既一間係牛肉拉麵，吉野家的牛肉配上牛骨湯底既拉麵，味道不錯但未至於好好味!
另一間食既係叉燒醬油湯底拉麵，見塊叉燒咁既色水以為佢未熟透，點知一放入口係即溶，好食到不得之了， 加上湯底係我地鐘意既醬油， 正!
食左兩碗拉麵已經7成飽， 但難得遇到呢d活動， 豁出去試埋小食， '鳥開'既炸雞粒+炸雞翼！ 炸漿同肉既比例剛好，唔會太多，而且炸完後肉質仍好juicy, 加上醬汁甜甜地幾好味!
飽餐之後當然要去做放血運動啦！
去藥妝掃貨當然係指定動作，心齋橋頭尾加埋既藥妝起碼超過6間或以上，而且間間價錢都唔同， 要格下價先買到平野。日本雖然從上年開始銷售稅由5%加到8% (退稅max退得6%!), 但藥妝為做生意， 均設有退稅服務， 買完野比錢既時候幫你退埋稅， 真係方便！加上日元匯率跌至咁多年既新低 100yen 對hk$6.4, 仲唔瘋狂買買買!(2011年時匯率曾經顛到對10, 食野買野都要諗過度過！),
面mask, Q10 eye mask, 嘴mask,Curel卸妝啫喱，Kanebo洗面粉，Shiseido防曬乳，眼線筆，就連kate胭脂都唔放, 通通都買晒返去！
其中推介'kanebo'既粒粒裝洗面粉，加水後起到好多泡，洗完好清爽，一d都唔笠！而且一粒粒獨立包裝，岩晒成日都要出trip做野既我，用完即棄唔駛'啞'喼位！
當然唔小得買'sofina'既防曬啦！夏天防曬功夫唔小得，'sofina beaute SPF50+' 防曬唔太笠，搽左唔會油光滿面，而且3000yen 一支，即係hk$195,比香港賣緊$320平好多，梗係要入貨！
另外一間'Chacott'的碎粉，都係今次既target item! 'Chacott'呢個日本牌子係專出product for 跳ballet既brand,有ballet衫又有化妝品，之前用開Shu uemura 既碎粉，見d forum 講 Chacott 都幾好用而且平，所以買黎試下，1200yen 就有30g,比其他brand平左一截！雖然效果我覺得shuuemura好dd,但勝在價錢平，唔駛就住用呀！同場加影限量版彩色粉撲， 5個裝都係1500yen, 又靚又軟身，真係抵到爛！後悔冇買多盒！
心齋橋有間'tutu anna' 專賣襪仔，1000yen 就有3對，款式又靚又多，買黎做手信都抵！
當然唔小得去百貨公司掃貨，記住係入口擰張割引卷， 任何counter 都可以平5%的！Vivienne westwood 既legging 同絲襪係must buy item! 用左割引卷再退埋稅，最後為番hk$90就有對VW既絲襪，hk$145有對VW legging，自用送禮都得，抵到爛！因為有割引卷，仲買埋佢條頸鏈，退埋稅為番hk$1850!
買手巾仔又係唔小得既item, 今次買左兩條paul & joe, 一粉紅一湖水綠， 為番hk$70條！
Zucca係我鐘意既日本牌子之一，低調得黎又好detail ,但係佢d衫實在太貴唔捨得買， 轉攻佢d accessory,買左隻黑色手鈪。
作為貓奴，失心瘋買野既時候，當然唔小得買手信比屋企兩隻貓大爺啦！帳蓬仔，隧道仔仲有煲呔仔， 今次佢地發達啦！仲買左set搖控老鼠返去同貓大爺玩，今次佢兩個仲減唔到肥~hehe!!
血併到咁上下，係時候要tea一tea！見到'Pablo'係心齋橋開左間cafe, 之前試過佢既芝士撻勁好食， 於是排隊，係日本食好野又係要排隊！樓下落order(仲有手信區), 之後上樓上坐低等食。Order 左 原味cheese tart 配雪糕同抹茶cheese tart 配雪糕， green tea latte 同pine smoothie. 一個cheesetart份量好足料，好香蛋味同抹茶味，外皮又鬆脆，加上新鮮出爐熱辣辣，勁好食好滿足！食飽飽又繼續血併！
當好多鋪頭8點鐘就打佯，但又未肚餓食晚餐時， 24小時營業的'激安之殿堂'係一個好好既shopping 地方。6層高，平野貴野食既穿既用既，乜都有！而我每次黎都係買'Pa'甲油，除左平又多顏色㨂,最緊要係made in japan!仲有指甲貼紙，款多又靚，有時油淨色時可以貼下玩下款！
是日晚餐 - '千房',食過尋晚西梅田麻麻地既千房， 今晚一於幫襯番心齋橋入面的千房！坐得舒服之餘，味道亦都好好多，仲要價錢一樣！日本人真係好厲害，咁多年都可以keep到水準！食大阪燒一定要去心齋橋近難波站個間！叫左一個千房燒，一個廣島燒再加一碟野菜燒，連同兩杯野飲，埋單都係5400yen, 飽到捧住個肚走，好滿足！
沒有留言:
張貼留言