老公公司係日資公司, 張機票當然係支持自己友- ANA! 雖則坐過ANA機都知道佢地d時間係夜機去早機返的, 但全機乘客90%係日本人, 比本土航空公司的多了一份寧靜及禮貌! 再者佢地既l飛機餐係冷麵+咖哩吉列豬, 總叫有點新鮮感!
已經開始日落了!
我地去既時間, 地點非常方便的心齋橋同梅田既酒店唔知咩事全部full 晒 (可能係賞櫻時間吧!), 簡直難以置信! 得番2千幾蚊晚的, 但我地又未至於咁富貴, 最後係hotels combine搵到間, 位於比較陌生的地方肥後橋 - APA hotel, "四つ橋線"上同西梅田一站之隔, 而且酒店位於車站隔離, 一分鐘路程就可以穿過樓梯到達車站入閘處, 尚算方便. 至於環境都算乾淨, 入住的大多是穿西裝的上班族, 而房size一貫日本酒店style - 細! 行李箱是不可以盡開的. (肥後橋這名字, 莫名的覺得有點搞笑!)
放下行李, 即刻趕去心齋橋食每次的指定動作 - 燒墨魚丸
香港的"銀座"墨魚丸早已消聲匿跡, 令人懷念! 去到大阪當然要食盡佢!
心齋橋的燒墨魚丸店有好多間, 各有自己的賣點 (除左醬汁, 基本上餡係差唔多的!). 今次食的是位於"蟹道樂"隔離, 24小時串燒對面的一檔. 大阪人比東京人熱情, 店員會問你係邊度黎, 閒談一番, 盡管燒墨魚丸燒到大汗淋漓, 但臉上仍掛著笑容和 - 禮貌 (係香港已漸漸被淡忘)
食一間唔夠滿足, 要食兩間! 另一間則位於道頓堀川上, "一蘭"隔離
熱辣辣, 香噴噴, 醬汁甜咸恰到好處, 墨魚又夠大粒, 而且價錢唔貴, 500yen 已經有10粒, 真是令人回味無窮!
這檔墨魚丸外坐著一隻流浪貓, 唔怕人, 突然好掛住家中的兩隻貓爺, 唔知佢地有冇作反! 唔知有冇掛住我地2個貓奴!
3月的大阪晚上仍有點凍
大阪的店鋪都好早收, 除左食店, 大多8點已經打烊 (香港應該要好好效法, 設最長工時, 令人人都可以享受生活!) 所以晚上最好逛的, 當然是24小時便利店! 飲品, 雪糕, 薯片, 杯麵, 款式何其多, 排列得十分整齊, 構圖好看又美麗!
點解日本既雪糕味道種類可以咁多, 有好多我地最鐘意既焦糖味, 唔似香港只有朱古力味選擇!
雖然食墨魚丸已經食到好飽, 亦明知臨訓之前唔應該食咁多野, 但黎到日本, 實在有太多誘惑了, 而且本著返到香港就冇呢d野食, 肥就肥啦, 一於豁出去!! (便利店的焦糖布丁非常好食, 是每次到日本既must eat item! 當中以"森永"最好味!)
沒有留言:
張貼留言