揸車去5分鐘就到，去到時已經人頭湧湧，個個企係有利位置睇，因為日落既時候，夕陽會穿過円月島中間圓洞口而落，非常浪漫的景點。但因為夕陽會移動，遊客都不斷移動去欣賞同拍照，場面很搞笑！
幸好有揸車，可以趁夕陽未完全沈落大海前，趕到另一白濱觀光景點-千疊敷! 又係海浪長年累月侵蝕而形成的獨特一級級岩石自然景象。
270度壯闊無邊的太平洋海景，太陽徐徐由水平線而下，餘霞還映照天邊一片粉紅色，非常壯觀美麗，跟老公靜靜坐下欣賞非常浪漫呢！
眼睛飽覽完，就到醫肚的時候。晚餐分左2個時段，一節6點，另一節8點，我地㨂左頭一節食，因為上次箱根溫泉酒店晚餐食足個幾2個鐘，飽住訓，所以今次㨂早d食，食完抖陣仲可以浸多轉溫泉先訓！
基本上晚餐係set定，只係某幾個item上二㨂一，而我同老公每人㨂一款，可以試晒所有菜式，反正menu 全日文，有d都睇唔明 XDXD
先來一杯紀州梅酒, 味道一般!
講真菜式好精緻，而且款式都好多，但味道就好一般！相比起箱根那間溫泉酒店食物味道比較好一點，可能關西口味始終有d唔同吧！
食完返房再歎晏晝係toretore市場買的蜜柑同士多啤梨，大大粒好香又juicy!
今日係tore tore市場買既手信, 好多都係蜜柑!
攤抖左陣就浸房入面既風呂。可能呢個時間蜜柑當造，酒店預備左2個for我地放埋入水浸。聞住淡淡的蜜柑清香味，望住漆黑天空中的星星，加上夜晚涼浸浸，浸係暖暖既風呂水中，極度relax!
加埋舒服既床鋪，一定好好訓，sweet dream!
沒有留言:
張貼留言