溫泉酒店個package係一泊二食，訓醒食個豐富早餐先。早餐有和食同洋食兩款㨂，上次係箱根酒店食過和食好好味，所以我地都㨂和食！內容非常豐富，有好多碟漬物，有卷蛋，有味噌湯同白飯，仲可以燒魚！
不突止，仲有個自助salad bar,有薯仔沙律，腸仔，溫泉蛋等等。
早餐已經非常飽肚，只可惜味道方面需要改進一下！
食飽飽返房抖陣再浸多次風呂，之後就向血拼outlet 出發！
大阪有幾個outlet 咁多，而我地選擇去"Rinku premium outlets"一黎由和歌山揸車返大阪市時順路，二黎呢個outlet係最大，而且牌子多，好多都係我地熟識同鐘意既品牌。
買野前記住去customer service出示passport擰優惠卷，有d店鋪仲可以折上折！日圓平左，而且仲有優惠卷用， 失心瘋行動開始！
收穫：
Tsumori Chisato淺金色外套仔6600yen仲有8折！HK$350就有件Tsumori Chisato, 去邊度揾！
Mercibeaucoup淺紫色手錶1800yen仲有8折！HK$100都唔駛，真係抵到爛，要黎襯衫都好！
Jeanasis 灰色tee 2700yen
年紀大要注意健康做多d運動，一於買番對跑鞋去跑步，雖然Nike d 款多d靚d但都唔平, 呢對Adidas 都唔差，而且半價，盛惠6450yen!
Uniqlo另一平價副線品牌GU,因為香港仲未有，而且價錢真係好平，所以每次去日本都會去買野同買到好多野！
一件tee 590yen! HK$40都唔駛，質地唔差又見得下人！
白色返工衫690yen! basic 款又易襯！
黑色直條褲，唔算太formal, 平時smart cause 著返工都得 1290yen! (襯埋TC件外套都ok)
淺藍色平底鞋，夏天襯裙一流 1490yen!
老公都唔弱，買左兩對鞋，一黑一白，平時放假著黎襯短褲，各1490yen!
之後去我地最鐘意既日本牌子之一-Beams
今季女裝麻麻地，只係買左幾隻介子仔1500yen (之後送晒比朋友lu)同一條大毛巾900yen。
反而老公有收獲！買左件tee 2800yen,勁抵！兩件長袖恤衫，各6600yen
因為要避開放工時間塞車返去還車，加上落雨，雖然未行晒成個outlet,唯有依依不捨返去。(我地都行左5個鐘haha)
返到大阪入滿油還完車，再去臨尾衝刺！
途經krispy kreme呢間早已係香港消失左既doughnuts店，即刻上前幫襯！想當年同當時既男朋友(即係以家個老公XD),好鐘意食佢地既doughnut,我地好鐘意食甜野，而佢又有好多焦糖味同拖肥味，簡直勁愛佢，當佢話要全面撤離香港時，我地好唔開心！臨近easter,佢地都出左好多特別版，好可愛！佢地仲出埋yogurt, 焦糖爆谷yogurt+doughnut,簡直好味到顛左！！
去得日本梗係買番隻G-Shock.我地去左梅田間Yodobashi買。出發前我地都睇好左要邊個款，而且唔係間間都有，最後係Yodobashi 見有齊2個款，而且用visa簽咭仲有6%off,即刻扑鎚買！ 我個隻 cyan 色protection 11852yen, 6%off之後=HK$720,隔左半年之後係香港見到有得買，要HK$1300,即刻覺得勁抵！！
老公個隻全黑色37686yen, 折左為番HK$2300!
洗完錢，就去食今次行程既最後的晚餐-旦馬牛！旦馬牛係原裝日本國產黑毛和牛，神戶牛，松阪牛都係來自旦馬牛，只係牛牛被賣到神戶同松阪再用特定的方法飼養，變成貴價牛賣！
老公係'旦馬屋'book 左位，食店位於商業區內，一幢叫"門+E"的商場(個名我地笑左好耐！你懂的！)
門面裝修到好精緻，大大隻牛雕塑係門口，擺明專食牛，而且每枱食客都係獨立房間內，肯定收費唔平la!!
燒之前視覺上既享受，塊塊肉質都好靚，霜降比例平均！燒既時候脂肪溶化燃燒出陣陣牛香味！放入口，味蕾即刻意識到肉質鮮嫩無比，唔駛加調味已經非常可口，我地都不禁高呼好好食呀！
開心既時間過得特別快，食飽飽返酒店pack行李返歸了！ANA航班時間真係差，回程得早機㨂,訓醒就要走了！是日血拼收穫:
沒有留言:
張貼留言