【新手準媽媽】21W2D - 照結構

不論產科醫生或政府醫生都建議懷孕媽媽於20-22週做照結構檢查，以確保BB發育健全和健康，不過政府醫院沒有提供這服務，要自己找結構科醫生照。

私家醫生之前refer個結構醫生給我，但預約查詢時，那個醫生加了價，而且比一般都貴，於是另覓其他 (詳細收費可參考之前的文章: http://janjancat.blogspot.hk/2017/07/blog-post_31.html )，經媽媽group一輪資詢及資料搜集後，決定找其中一位母胎醫學專科醫生 - 陳創斌醫生 (同時也是婦產科醫生)。

個幾月前約做照結構檢查，眨下眼話咁快就到期，照結構當日踏入懷孕21W2D ，老公請了假陪我一齊去。

醫務所位於中環永安集團大廈的陳創斌醫生，同場還有另一位婦產科醫生 - 李福謙，醫務所裝修可能比其他大醫療集團較為陳舊，但心諗有經驗而又好的醫生，不用太過多包裝吧。

當日我是第一個booking，去到時職員剛開工，陳醫生還未返到呢！填完簡單資料後，等了約10分鐘，陳醫生就返到。

陳醫生問過簡單的問題，如:在哪間醫院生？預產期是幾時？知道仔定女未？之後就到隔離房開始照結構，果然沒多餘廢話或題外話，good！

一邊照一邊講解各位置: 眼皮、眼珠、耳仔、鼻仔全部正常，嘴仔沒有兔唇(幸好正常)。大腦、小腦、腦葉全部正常，俗稱老筍位置的頭骨現階段還沒有生埋，要等再長大一點。心臟大小全部正常，還聽埋心跳。心肝脾肺腎內臟，位置大小全部正常，生殖器官都正常，再confirm一次是女仔。然後手指腳指逐隻數；胎盤位置唔算低，屬正常位置。重量、長度全部都正常，屬中型size BB，(之前還擔心豬包包會不夠營養呢，幸好！)由內到外逐個位置看，大概照了15-20分鐘，非常清楚和仔細，所有項目都屬正常~~豬包包又順利過一關了！

可能豬包包太懶訓，醫生要推佢幾下先肯郁，先照得清楚各部位，到照脊骨時更要大力壓下肚皮才照到，其實那幾下很不舒服還有點痛，不過看著屏幕，唔大力又照不清楚，唯有忍耐忍耐，事後跟老公說，他說應該即刻同醫生講痛嘛，不過算啦都過了，最緊要照得清楚呢！(不知道其他醫生會不會都好大力按下去照脊骨呢??)

照完後再問我同老公有沒有其他問題，因為過程都十分仔細，我們都想不到其他問題可以問了，然後就等擰報告。

剛才照的2D，3D相全部都有一份soft copy，和剛才所有相的USB，另外還有檢查的報告，醫生提點回去後影印幾張，for私家和政府產科醫生作reference。

由等候到檢查完畢取報告約45分鐘時間，費用$3000，只收現金、EPS或支票，所以檢查前要作好準備喔。

再睇番張3D相，覺得豬包包個樣似爸爸 (唔好呀~~~~~嗚！)，老公當然好開心，作為媽媽的我，當然想個女似自己多點啦！同媽媽group朋友講起，原來10個有7、8個都話女仔多數似爸爸，有些更是餅印一樣，看來豬包包出世前都係唔好望咁多老公了，哈哈哈~~~！