小店雖不是走華麗風格, 座位稍窄, 不過細緻裝飾亦不乏. 以為這類新派餐廳光顧的會以年輕人為多, 怎料席上有一家大細之餘, 亦有婆婆帶著孫兒到來, 食好東西果然不分年齡!
餐牌選擇多, 沙律小食, 鐵板石鍋, 意粉蛋包飯, 甚至蛋糕甜品亦有供應, 而且不設加一服務費! 每次都很想表揚這些服務到位又不怠慢, 但又不收加一的食店, 於香港已屬難得!
香草雞翼4隻 $17
雞翼數量可因應人數和胃口而選擇8隻或4隻, 具有彈性! 雞翼炸得香口, 加上灑滿香草於表面, 令味道更香濃。 雖然不算是大隻, 雞翼炸後仍然保持肉汁, 難怪是小店長期人氣no.1受歡迎的小食。
雙重芝士沙律菜 $27
健康與邪惡的混合體! 鋪面的芝士碎多到不得之了, 加上芝士粉, 每啖都充滿雙重芝士享受, 很滿足!
蔬菜新鮮之餘, 還有三款: 生菜, 火箭菜和荳苗, 單是種類已藉回票價, 更何況份量之多!
加上粟米粒和車厘茄, 真材實料都只售$27, 超值之選。 醬汁可選擇胡麻醬或千島醬, 雙重芝士當然要選胡麻醬最為配合, 令沙律更加香口, 提升美味感。
香煎漢堡蛋包飯 $42
最搶眼的莫過於大大塊的漢堡扒, 好比一隻手掌大, 厚度目測都有3-4cm, 咬下牛味雖然不算太濃, 肉汁稍稍略小, 不過醃得入味, 如此厚身漢堡扒的菜式其他食店動輒都已過百, 這裡不過$50, 以份量價錢取勝。
至於蛋包飯精髓的蛋做得不錯, 仍見到面頭的蛋漿呈半熟狀態, 不過蛋香味就一般。 入面的飯粒不是白飯, 而是加入了茄汁, 而且均勻, 心思已見。
醬汁有茄汁, 白汁, 黑椒, 咖哩和胡麻汁之選, 食蛋包飯當然要配上茄汁啦! 醬汁味道似曾相識, 加上大塊肉之餘, 亦有大量沙律伴碟作平衡, 十分滿足!
新派芝士熔岩蛋漿飯 $48
這個源自韓國濟洲的蛋漿飯, 店員先送上用紙條圍著的熱辣辣鐵板, 之後將蛋漿倒入鐵板中混和早已預備好鋪滿紫菜碎的泡菜炒飯, 吱吱聲起, 香氣隨即四溢, 令炒飯均勻沾上蛋漿後, 再倒入大量芝士碎, 不停地翻動, 芝士多到做出拉絲效果。
泡菜不是太辣, 芝士鹹香加上煙肉增加香氣, 炒飯濕潤煙韌, 混和材料和蛋漿再翻過後, 減低各樣食材的乾身感,恰到好處。
鐵板的熱力令底部的蛋漿變成蛋焦塊, 更加香口美味。 果然是小店人氣之物, 環顧周圍, 每檯都總有食客吃著此美味鐵板飯, 厲害!
柚子檸檬紅茶 $19 (跟餐+$8)
凍飲杯size的熱飲, 大大杯非常滿足, 一解滿口芝士的膩感。 茶香味不錯, 有檸檬的清酸之餘, 又有柚子的清甜, 更有柚子肉嚼口。跟餐只需加$8就有, 這個價錢比喝奶茶檸水還要便宜!
六時後已滿座, 七時後已大排長龍! 期間坐左右隔離的食客, 大多都邊吃邊說著: 這個飯在銅鑼灣, 尖沙咀必定賣過百啦! 這個飯抵食夾大件啊! 的確這個份量這個質素, 以今時今日的價位確是堅離地, 尤其經濟處於全球不景氣的時勢, 親民價的小店火速成為深水埗的晚餐熱點也不無道理!
沒有留言:
張貼留言