立食焗薯 - 叁薯

街頭小食檔, 除了一貫的魚蛋燒賣外, 近年更加入不同種類的掃街小食, 更有取得2016米芝蓮街頭小食的叁薯。 掃街飲食都可以摘下米芝蓮, 真不容忽視!

主打焗薯的叁薯位於旺角金魚街街尾, 小食店臨立的街道上, 門面不算是突出, 小小的一間究竟有何能耐脫穎而出? 真要試試才知!

除了供應焗薯, 還有薯蓉, 薯餅, 薯條和薯角。不過獨沽一味較難站穩, 所以亦有燒茄子和惹味雞選擇。

小店有賣美白健康之選, 自家製檸檬薏米水。

重量級芝士焗薯 $36
餐單內其中一款推介焗薯。 用紙盒盛載的原隻焗薯, 表面佈滿Sour cream, 和份量多到蓋住整個焗薯的車打芝士, 因熱力而溶化了的芝士緩緩流出, 灑上蔥花和紫洋蔥粒, 色彩豐富的賣相已經好吸引。

焗薯即叫即做, 很熱騰騰, 薯仔質地較濕潤, 焗得未夠乾身, 頗為稔口。 味淡的薯仔加上鹹香的車打芝士味道不錯, 微酸的sour cream更可中和膩口感, 蔥花跟紫洋蔥令整體味道香口。

香煎煙肉洋蔥薯餅 $30
小店另一推介。將薯仔切絲後再煎香, 不過薯絲烚得少許過火, 薯餅中間口感變得軟糯, 不過煎過後外皮帶點脆口。

灑上薯仔的好朋友 - 黑椒, 惹味香口, 不過份量落得有點多, 變得有點辣, 幸好有sour cream和蔥粒的香口中和一下。煎薯仔需要不少油份, 食到差不多最後, 油份跑了出來!

小店收銀側邊附有一張小小檯面, 買完可以立食, 不過小店對開就是較窄的行人路, 人多經過時頗為狼狽。