Haggen Dazs新品 - 牛奶拖肥味雪糕

呢個星期最熱當然係玩Pokemon Go捉精靈啦! 全城投入, 無分男女老幼, 個個都走到街上, 非常熱鬧, 仲多人過行年宵!

呢幾晚食完飯就落街捉精靈, 順便當散散步! 雖然太陽落左山, 夜晚氣溫都仲係好熱, 捉捉下匿左入OK抖下涼, 點知比我發現Haagen Dazs杯裝雪糕竟然出左新味 - 牛奶拖肥!! 牛奶拖肥係我既大愛, 梗係即刻買黎試試啦!!(不過$27.9/杯仔, 好貴囉!)

打開盒蓋, 寫住要攤5-10分鐘, 等雪糕同拖肥溶一溶到最佳效果先食, 心急既我梗係冇理到照食啦, 雪糕又真係雪到硬硬地要溶一溶先得! 睇poster仲以係成杯都係拖肥, 點知唔算好多, 不過半溶既雪糕加上香甜既拖肥, 正呀~~!!好味道!!