Tomica合金車仔登陸奧海城

一年到晚有不同的節日,最喜歡的莫過於聖誕節! 聖誕節可以開party, 食聖誕大餐, 又有聖誕禮物收。雖然香港的聖誕沒有雪落, 不過各大商場一定會以不同主題來佈置, 充滿歡樂的氣氛。

今年聖誕奧海城以日本合金車仔Tomica做主題, 老公是Tomica粉絲, 我也是半個, 當然也要去湊熱鬧啦!!老公雖然是粉絲, 但不是每款車仔都會儲, 他主力儲super car, 私家車等類型。收藏已不少, 但每逄有新車出都會留意。而我於未識老公前已儲了第一架Tomica - 91號的Porsche 開蓬boxster! 太cute的車仔不適合我呢! (哈!)

商場二期的中庭佈置成一個大型的玩具車展, 展出不同類型的車仔, 有些更是首度曝光的!

場內消費滿指定金額, 就可以玩挑戰遊戲, 得到Tomica 限量版禮品, 更可參加夾車仔, 夾走限量版合金車。好多小朋友玩得好開心呢! 不過我們見夾車仔的鉗比夾公仔機的還要遜色, 肯定超難夾到啦! 於是打消念頭!

側邊放了一棵 6 米高Tomica的路軌聖誕樹。路軌上的放大版車仔蠻得意, 但掛在樹上的牌仔反而更吸引我注意!

是次到來最重要的目的當然是場內Tomica聖誕限定店, 獨家發售限量版的合金車仔。可惜太遲來, 最想要的銀色Subaru 11代已售罄了!

商場另外一part 是展出Tomica fans 的珍藏, 由黑盒, 藍盒到紅白盒, 更有好多特別版, 限量版, 老公睇得好開心! 十足大細路般: 嘩! 呢款都有?! 嘩! 呢款點儲架?! (搞笑!)

舊款到新款, 不同型號的林寶!

好多款skyline, 舊版到落場版!

還有於car show出的特別版, 很懷念之前的座駕呢! 自私的車, 始終不受父母歡迎啊!

同場更有個戶外聖誕市集, 逄星期六、日及公眾假期, 由1pm - 9pm開放, 有食的飲的, 更有不同的本地手作仔小店。

食的攤檔永遠是最受歡迎, 我們亦試了其中一間懷舊小食 - 砵仔糕和糖蔥餅。甜食不夠甜, 始終不夠滿足! 砵仔糕軟身得來紅豆數量不多, 也是不夠吸引!

奧海城 x TOMICA聖誕之旅

日期: 即日至2016年1月3日

地點: 奧海城二期地下主題中庭