之前媽媽生日於三聖的棠記慶祝, 食過的海鮮餐家人都讚好, 試過幾間大型的海鮮酒樓, 味道也不及小店的火喉, 於是冬至飯選擇再光臨這小店嚐鮮. 星期五晚上三聖海鮮街出奇地多人, 原來也有很多人提早做冬呢! 幸好預早訂了檯, 一行12人7點半到達. 是日餸菜選擇由三哥作主, 大夥兒坐定定等食.
入口位於小巷中, 左右隔離都是海鮮飯店.
今次安排坐於本店對面的鋪位.不太有裝修, 像有蓋的大排檔, 別具風味!
每項收費也列明, 海鮮加工費每斤$48.
白灼蝦
在沒有任何配料修飾下的一道, 是吃蝦的鮮味. 每隻蝦都非常大隻! 雖然大大隻, 蝦肉都很彈牙, 鮮甜味十足, 沾上少許醬油更能帶出鮮味!
豉椒炒蟶子
蟶子又是大大條, 很鮮甜爽口, 加上用豆豉和辣椒炒, 香味十足, 很有鑊氣, 與大排檔的小炒功架不相伯仲! 芡汁份量剛好掛到蟶子上, 不會搶去主角的味道, 好味!
菜膽雞
老人家做節要有雞食, 所以叫了一碟有雞又有菜的. 以為食海鮮的小店其他餸菜會不太到位, 怎料雞肉很嫩滑, 雞味不錯. 菜膽雞通常會用小棠菜, 小店則用了唐生菜, 與雞都很配合, 只是較為落多了油.
薑蔥炒蟹
炒蟹都是用上肉蟹, 蟹黃蟹膏不多, 蟹肉就反而不少, 啖啖的蟹肉, 很滿足! 薑蔥的香辣味大多停留於蟹殼面, 蟹肉不算太入味, 不過蟹肉的鮮味搭夠!
芝士龍蝦焗飯
芝士量很多, 覆蓋了整碟, 蠻吸引呢! 平常這道餸會配伊麵, 今次哥哥竟創新選擇配焗飯, 不過龍蝦汁和芝士汁令飯變得很腍身, 還是配伊麵較為適合! 主角 - 龍蝦, 份量很多, 肉質爽口彈牙,亦是新鮮!
椒鹽瀨尿蝦
份量很多, 很鮮甜, 每隻瀨尿蝦都很上色, 雖然油炮過但油份不算多, 而且瀨尿蝦殼沾滿椒鹽味, 加上辣椒絲, 很惹味, 不錯!
清蒸海斑
海斑是很新鮮, 醬油汁味道調配得不錯, 不過有點蒸得過熟, 魚肉有點"鞋"口!
蒜蓉粉絲蒸扇貝
非常大碟又大隻的扇貝, 一上檯大家都嘩然呢! 粉絲數量不算太多, 但吸收了扇貝的鮮味, 配上蒜蓉和醬油吃不錯! 扇貝亦是新鮮, 而且隻隻都肥大肉厚, 十足一件肉扒, 肉質嫩身彈牙, 吃完一個非常滿足!
陳皮蒸鮑魚仔
這個呎吋也不是叫鮑魚仔吧?! 每隻都很大隻呢! 陳皮應該是用上年份不算耐的, 味道不太濃. 鮑魚仔的鮮味很不錯, 肉質彈牙, 只是要用點技巧才能拔出. 以鮑魚仔作為今晚的總結, 非常之滿足!
每碟海鮮的比例都很大, 比平常的還要大, 可稱得上是大件, 不過不算抵食, 9碟餸12個人,結帳要$5200, 有點兒偏貴呢!人大了, 各有各家庭, 要齊齊整整聚首一堂, 就要等到大時大節, 價錢食物都不及一家人開開心心地歡聚!
沒有留言:
張貼留言