週末早餐當然要放慢腳步, 梳乎一番。上回吃過屋企樓下"一浦點"的邪惡下午茶 - 瑞士雞脾併西多士後, 對這小小茶餐廳改了觀, 於是趁週末早上又來到訪。接近早上十一點, 光顧早餐的食客仍有很多。
雖然跟普通茶餐廳的早餐款式差不多, 不過選擇可不少。
左拼右拼餐: 五香肉丁公仔麵+蛋治+熱華田 $30
雞蛋三文治沒有選擇烘底, 也沒有於方包塗上牛油, 看似單調, 不過麵包很鬆軟, 雞蛋剛煎好熱辣辣, 每邊應該用上2,3隻雞蛋來煎, 頗厚身, 蛋味亦很香, 簡單的幸福。
五香肉丁公仔麵, 沒有轉上出前一丁, 因為要加$5, 這價錢分分鐘可以買到兩包了, 感覺好似不太抵, 所以選擇了公仔麵, 當然沒有出前一丁般彈牙可口, 不過仍是可接受的範圍。港式罐頭食物中, 五香肉丁和回鍋肉都是我的最愛, 不過平時在家甚少會吃到, 多於茶餐廳才會叫上, 肥膏不多, 肉質香口, 當中的辣油令公仔麵更惹味。
茶餐廳早餐飲品選擇離不開麥芽加可可粉這一杯。
ABC早餐: 雞翼, 腸仔米粉+奶油厚多士+熱好立克 $31
這款早餐的湯底可免費轉上鮮茄肉碎湯底, 感覺上比味精湯健康, 加了茄膏的湯頗為深紅香濃, 蕃茄粒和肉碎的份量都不少。米粉質素一般, 茶餐廳的貨式不太特別。雞翼兩隻, 是滷水口味, 腍軟而且入味。 腸仔一條, 用上廚師腸, 總好過用其他雜嘜牌。
烘過的厚多士雖然有點燶, 不過脆得來有點鬆軟, 塗上煉奶和牛油, 仍然是香甜美味的。
好立克, 早餐選擇中非奶茶咖啡的麥芽飲品。
平時吃頓豐富早餐是非常奢侈的事, 始終要留於週末才可慢嚐。雖然只是茶餐廳的早餐, 都足以教人滿足。
餐廳名稱: 一蒲點
餐廳地址: 元朗鳳攸南街3號好順景大廈地下4號舖
沒有留言:
張貼留言