這間位於海壩街的韓正屋, 就在福來邨對面, 席上光顧的多以街坊為主, 開飯時間門口排滿等候的人龍。
既然是以區內客為主, 當然不會裝修成金碧輝煌般, 反而是平實親民的大路。
餐牌內的款式是港式地道韓國料理, 有套餐也有散叫, 價錢亦是街坊價。
前菜: 韓式泡菜, 涼拌菠菜 各$10
不像一般韓國菜館, 坐下就送上小碟前菜, 這裡要食就要另外點上, 這樣也好, 不會造成浪費。 $10一碟的前菜份量也頗多, 泡菜酸辣度比預期來得一般, 不算太辣, 清爽口感但偏鹹了一點。 菠菜帶芝麻油香, 不論淨食或配拌飯食都好味。
韓式海鮮煎餅 $38
韓式煎餅有時候覺得吃起上來蠻似酒樓吃到的煎薄罉。 煎餅煎至金黄, 薄薄一片, 邊位頗為脆口, 煎餅口感粉漿比例較多, 亦稍稍偏油, 配料有魷魚和韮菜, 味道上可以再加強。 夾上前菜的泡菜同吃會更惹味。
炆牛肋骨煲 $96
熱騰騰呈上, 散發濃郁的香味, 引起食慾。
小小煲內有三,四塊大大塊的牛肋骨, 肉佔的比例也較多, 牛肉炆得腍軟夠味, 附帶有少許脂肪令牛肋骨更惹味。
大大角白蘿蔔, 吸收盡了濃湯的精華, 顯得非常入味, 加上煮得腍軟沒有渣, 同樣好食。
煲內還有其他配料: 紅蘿蔔, 冬菇, 亦是炆得腍身入味。
炆牛肋骨而滲出的油份是少不了, 但湯味道甜香濃郁又不搶喉。隨牛肋骨煲送上的一碗白飯. 加入湯汁後, 令飯粒更香口, 好好味, 推介!
雜錦牛肉伴飯 $48
牛肉份量頗多的拌飯, 加入辣醬伴勻, 令拌飯惹味香口, 辣醬頗為辣勁, 要量力而為地加入呢。
配料有牛肉之餘, 還有半熟蛋, 芽菜和蘿蔔絲等, 牛肉入味又不韌, 稍稍帶點乾身。
半熟蛋破開時, 中間的蛋黃汁溢出, 增加拌飯的吸引度。
蜂蜜紅棗茶 $7
成品沖製, 稍稍偏甜, 吃過濃味菜式後作為緩和。
凍蜂蜜生薑茶 $10
同樣成品沖成, 加入了冰粒頗冰凍消暑。
店員以姐姐為主, 親切之餘, 還主動介紹菜式和講解, 喜歡這種小店的人情味。結帳每人約$100, 足以捧著充實的肚子回家去!
餐廳名稱: 韓正屋韓國料理
餐廳地址: 荃灣海壩街22-32號華達樓地下E舖
沒有留言:
張貼留言