與小朋友享受電影的時光

假期期間有多套期待已久的卡通電影上映，作為家長當然想帶同小朋友一起去欣賞，歎下冷氣之餘又可以放下電，但又怕小朋友睇戲期間大叫大笑或坐唔定控制唔到，影響到其他人，想睇場戲都好懊惱！

荃灣愉景新城內有間戲院：Candy park by Cinema city，主打以小朋友為對像。 （美好地）心想如果同場有其他小朋友一起笑一起叫，應該不會太礙眼吧，哈哈！加上一米以下而不佔位的小朋友不用買飛，於是膽粗粗帶包包去睇片長88分鐘的{pet pet當家2}，試試水溫。

位於商場G/F的售票處。

戲院入口。

戲院內設有兩個遊戲corner，小朋友入場前可以先放一陣電熱下身。

包包第一次入戲院睇戲，怕黑漆漆佢會驚，所以一可以入場就即刻入去坐定定，等佢先熟習一下環境，熄燈一刻都冇咁驚。

戲院內的House 5是兒童影院，除了正常的戲院座椅外，最前排更設有Kid friendly 扶手椅、Kid friendly特長趟椅和雙人座，票價都是一樣。小朋友可以選擇訓係度睇戲，好歎！

音響效果方面唔算好大聲，可以接受。

第一次同包包去睇戲非常順利，可能是整套戲都係佢最鐘意的貓貓狗狗，冇扭計之餘更坐定定睇足全套戲，好合作！接著可以帶佢去睇期待已久的{反斗奇兵4}了！


Candy park by Cinema city
地址： 荃灣愉景新城第一層1036 - 1045號