共享親子聚餐樂 - Le Cafe

有小朋友的家長應該知道帶小朋友出街用饍是一件非常艱巨的任務，想他們安安定定食餐飯更是令人頭痛。

灣仔Novotel 酒店內的Le Cafe，推出逢星期六、日週末自助午餐增設魔術師表演兒童魔術及扭氣球的互動活動。食buffet之餘更有魔術表演看，小朋友食得開心又有得玩，歡渡兩個半小時的親子時光。

生蠔海鮮為主題的自助午餐，收費為：星期一至四成人$308 ，小童$198；星期五至日、公眾假期及前夕成人$328，小童$208，由12:00至2:30供應，讚好酒店面書可享85折優惠外，每兩位成人更可免費攜同一位小朋友享用自助餐，非常吸引一家大細到來呢。

安頓好小朋友後，當然先巡視一圈：

海鮮方面，凍蝦、螺、青口必定是頭盤的主打；

Cold cut則有火腿、牛肉，更有大量煙三文魚供應，還有煎成金黃的芝士生蠔蛋餅，這種食法頗為少見。

特製沙律有：筍絲甜蝦沙律、薯仔沙律、印度沙律、意粉沙律等，款式挺多，亦不少得自選沙律，多款沙律菜及配料和醬汁提供，任挑任選。

麵包、芝士都是自助餐必備供應的項目，亦是給小朋友飽肚之選之一，最受歡迎當然是香口的麵包粒！

這邊廂有壽司、冷麵，那邊廂則有刺身和生蠔，生蠔挺吸引，每轉都好快給掃光。

食自助餐多數都會選擇西湯，貪其可以配麵包，不過這次中湯較為吸引：蟲草花海底椰煲雞，先滋潤一番才開動。

熱葷方面：自家製Pizza、燒牛肉、各式香腸，款款都吸引，樣樣都可以多吃一轉。

各國美食如印度薄餅、印式咖哩、墨汁意大利飯、白汁海鮮飯、台式三杯雞、鮑汁腐皮卷等，都是大人的目標。

熟食不可或缺的麵檔，麵類、配料、醬料樣樣都選擇多，亦是給小朋友飽肚的熱食好選擇。

飲品除橙汁、檸茶和熱茶是無限添飲外，還有自助沖調咖啡機，餐前餐後來一杯咖啡都有幾款選擇。

最後到甜品一環，最受歡迎的雪糕是供應Movenpick，雖然只有3款口味：朱古力、奶凍和maple walnuts，亦無損清櫃能力，而且還有雪米糍，十分吸引。

自成一角的甜品區：各式蛋糕、檸檬撻、啫喱、泡芙、杯裝蛋糕、麵包布甸、朱古力噴泉等，款式多得令人眼花撩亂，款款都想吃掉，還有西瓜、哈蜜瓜和菠蘿，消暑解渴的生果同樣非常受歡迎。

自製pancake又是受歡迎，熱騰騰出爐的pancake，不論是配忌廉果醬抑或是配雪糕食，同樣美味。

而魔術表演由1點開始，頭半小時是跟小朋友互動的魔術表演，之後半小時就是魔術師扭氣球給每位小朋友。雖然是簡單的魔術，但小朋友們看得非常雀躍，而且非常投入。

接過氣球再吃杯雪糕，小朋友們大大滿足，而大人們亦有餐安樂茶飯！

Le Cafe

店址：灣仔謝斐道238號香港諾富特世紀酒店1樓