怕酒店床單不太乾淨，已經用自己帶去的被子墊住訓和蓋上，怎料第二日一睡醒包包的面仔被咬了三口！(之後越來越大粒，要去睇醫生和搽藥膏，差不多兩星期才完全康復) 只是忘記再噴消毒就出事！下次要緊記消毒一下啊！
Day 2天氣報告預測會落雨，但天氣不似預期，雨落足一整天，而且氣溫驟降得很多，有點此料不及，加上落雨推著BB車會有點麻煩，要改用咩帶，而且行程需要更改，全日要躲在室內活動。
酒店設有playroom，加上早上落雨，飲完早奶後帶包包去playroom放一陣電就最好不過。可惜因雨天關係，有好多設施的室外遊樂區要關閉，幸好室內的玩意也不少，bb和小朋友都適合玩。
酒店與金沙鄰近，行兩三分鐘就到，於是過去搭前往威尼斯人的免費穿梭巴士到官也街食午飯。落雨濕濕推BB車會好麻煩，幸好有帶咩帶。
午餐選擇到[誠昌飯店]食水蟹粥，又是另一到澳門指定動作般。藤造的bb櫈，於香港又是十分少見，感覺好懷舊！
吃完午飯原本想於官也街買下手信影下相，但因天雨關係，意欲也大減，只是於安德魯買盒葡撻作下午茶。
同行有小朋友，未能走到賭場那邊玩兩手，唯有在商場內閒逛，威尼斯人那邊實在人太多了，反而較新開的巴黎人人流小一點，逛得舒服點，於food court 坐下休息，順道來個下午茶。
除了有安德魯的葡撻外，還於Elysee 買了蝴蝶酥。蝴蝶酥酥脆香口，十分不錯。聽聞這家將於九龍城開設香港分店，令人期待呢！
巴黎人商場內的育嬰室，雖然較為隱秘，但環境十分寬趟，設備亦都好齊全，而且挺乾淨，不用排隊等候，換片餵奶都好舒服。
回程6點船，餘下時間閒逛一下影影相，然後打道回府，結束第一次的親子遊。
沒有留言:
張貼留言